أفكار لتزيين العطور بالصور

السلام عليكم ورحمة الله وبركاته

طبعا كلنا نحب العطور ولا نستغنى عنها [img:0ef1]http://fashion.azyya.com/images/smilies/5_1_123v[1].gif[/img:0ef1]

اليوم في موضوع غير شكل ......طرق عجبتني وحبيت تجربوها ..

كيف تزينين طاوله التسريحه او كيف تزينين عطورج على الطاولتج الي دوم تتعطرين وتتمكيجين عليها ( ما نستغنى عنها وعن المنظره )

ما بطول عليكم يا حلوات في بعض الافكار

بسم الله توكلنا على الله

طاوله التسريحه اكيد عليها سواء عطور او مكياج او مجوهراتج الخاصه بيج

اول فكره هي :
تحطين العطور في صينيه طبعا مزينه بشرشف حلو و ورود على طرف الطاوله و حتى تنفع حق الضيوف بعد ما تضيفينهم تعطرينهم

الفكره الثانيه يا حلوات
تحطين العطور في طبق او صحن مرتفع شوي من الجوانب مع شرايط زينه او دانتيل ( انتي وحركاتج )

الفكره الثالثه وهي:
تحطين عطورج على التسريحه مع اكسسوارات زينه او مجوهراتج

الفكره الرابعه وهي:
تحطين مع عطورج نبتات طبيعيه او صناعيه على حسب رغبتج او اي زينه عندج

ننتقل للفكره الخامسه ولي هي :
تزينين عطورج مع ورود سواء طبيعيه في فازه او تنثرين ورود على الطاوله شي الصراحه رومنسي

هي الورود دايما تنفع

الفكره التاليه وهي:تغلفين او تلفين عطورج بتور على حسب لون غرفتج مثل الي في الصوره الي تحت الصراحه شي

الفكره السابعه وهي :
تزينين عطورج مع شموع حلوه و اوراق او ورد مجفف عشان الريحه تكتمل

وهاي الشموع تنفع بعد

الفكره الثامنه وهي
لا ترمين كراتين عطورج غلفيها بجلاد حلو وشرايط وصفيها مع العطور على شكل هدايا

الفكره التاسعه وهي
تزينين عطورج مع فراشات او احجار الزينه طبعا متوفره في اي محلات الزينه

و اخر فكره لعشاق الشوكلاته و السويت تحطين علب شوكلاته او اي نوع سويت تحبينه مع عطورج عشان كل ما تتعطرين تاكلين حبه ( عز الله انتفخنا )

حبيباتي ان شاء الله الافكار تنال على اعجابكم انا طبقت بعض الافكار
النتيجة كانت حلوة ......وخاصة اخر طريقة ( تبع الشكولا ) [img:0ef1]http://fashion.azyya.com/images/smilies/11_1_113v[1].gif[/img:0ef1]