نكته بضحك هههههه

1/ قالك هاذي ناموسة دور على واحد في الصيف تقلق فيه ايا ضربها طاحت داخت هزوها صحاباتها دخلوها للعناية المركزة جابت 3 ايام و هي في غيبوبة كي فاقت لقات قرلو(حشرة) بالقرب منها شاف فيها القرلو و قالها : واش فليت? (مبيد) قاللتلوا:لا لا . بشماق (حذاء)

///////

2/ قالك وحد الخطرة وحد السيد اشرى كبش العيد قبل عيد الاضحى بشهرين امالا كانت العائلة كلها تدلل فيه وتلعب معاه حتى انه ياكل معهم و ينام معهم في المنزل و عشية عيد الاضحى راح الكبش جبد روحو على العايلة و بدى يبكي جات العايلة سالتو واشبيك تبكي قالهم " قعدنا بلا عيد الناس اكل شراو الكباش غير احنا "

////////////

3/ قالك وحد المرة سائق الحافلة دار اغنية التيتانيك في الحافلة

ايا بداو الركاب يطيشوا رواحهم بانتلهم راه يغرق الbus

////////////

4/ قالك مرة واحد ديما يسقسيه صاحبو: واش تغديت? يقول له: لوبيا .ديما هكا واحد النهار قالوا صاحبوا: اكذب شوي لي يصقصيك قول له تغديت شواء . كليت كفتة . تغديت بيتزا .....

ايا هذاك خدمتلوا قال و الله عندو الحق . غير المرة الجاية ان شاء الله لي قولي نبدل

ايا صقصوه صحابو واش تغذيت ؟

قال لهم :بــيــتــزا قاللتلوا :واش مليحة (بنينة)? قال لهم : و الله كليت 2 مغارف شبعت

//////

5/ قالك واحد جزائري لقى وحدة مصرية قالها واش مدايرا في حياتك

قالتلوا :انا بقرا في الكلية (باللهجة المصرية)

قالها :انا ثور في السوناطراك