احلى مهلبية

احنا انهاردة هانعمل أحلى مهلبية وبطريقة سهلة جدا و على ضمانتي

يللا نشمر بأة ونقوم نشتغل. مش عايزة كسل

المهلبية البيضاء
المقادير:
2 كوب حليب
3 معلقة كبيرة سكر
4 معلقة كبيرة نشا
1معلقة كبيرة ماء ورد وممكن الاستغناء عنها ..وأنا شخصيا مش بحط ماء ورد

-نضع الحليب والسكر والنشا وماء الورد(اختياري) في حلة (خدي بالك ...استعملي حلة استنلس استيل) ونقلبهم كويس بمضرب بهدوء ..واخدين بالكم بلاش افترا في التقليب ... لحد ما النشا والسكر يذوبوا(خدوا بالكوا احنا لسة ما حطيناش الحلة على النار)
-ضعي الحلة على النار وقلبي بمعلقة خشب بهدوء
-اقعدي قلبي لحد ما تحصلي على الكثافة المطلوبة
-صبي أحلى مهلبية في كاسات أو طبق صغير ...وممكن تزينيها بفستق حلبي وجوز هند



مهلبية البرتقال

3 برتقالات
4 معالق صغيرة نشا
1 معلقة كبيرة سكر
-
-نضع عصير البرتقال والسكر والنشا في حلة(خدي بالك ...استعملي حلة استنلس استيل) ونقلبهم كويس بمضرب شبك بهدوء لحد ما النشا والسكر يذوبوا
-ضعي الحلة على النار وقلبي بمعلقة خشب بهدوء
-اقعدي قلبي لحد ما تحصلي على الكثافة المطلوبة



فكرة بسيطة ممكن تعمليها أو لأ
ممكن تحطي في قاعدة كاس التقديم قطعة كيك وتصبي فوقها المهلبية ...يعني دلعي المهلبية شوية

ممكن كمان تعملي نوعين المهلبية (البيضاء والبرتقال)وتحطيهم على بعض ...وانتي وذوقك بأة


يللا قوموا بسرعة اعملوا المهلبية وقولوا لي حصل إيه


يا رب تكون الطريقة عجبتكم ...ومش عايزة منكم غير انكم تدعوا لي