الفرق بين البنات والولد بالامتحانات

ما اريد زعل لامن الولد ولا من البنات...

اول منبدي البنيه
قبل الاستاذ بنص ساعه هيه جايه وماسحه الكرسي بالكلينس وكاعده لازمه الكتاب ومتهده لو يجي مدري منو (لو ايكلولها قامت الحرب العالميه الثالثه متهده) اجه الاستاذ وزع الاسئله بدون متشوف الاسئله بس شافت السؤال الاول اشتغلت اتكول مكينه وجلبت بالورقه (عبالك بس اتهد الورقه راح تركض ) ها ونسيت اكلكم طبعن هيه شايله ( ست اقلام ) من غير الالوان والمساحات والمقطاطات ( لا اكلكم ولا اتكلولي قبل الامتحان بيوم هيه نازله لجميله اجيب تريله اقلام ومساحات وتجي) خلصت الامتحان اتراجع الورقه خمسين مره مره واتكوم اسلم الورقه
,,,,,,,,,,,,,,,,,,,,,,,,,,,,,,
نجي عل الولد

يجي وره الاستاذ بنص ساعه ايسأله الاستاذ وين جنت يبدي ايجذب( اساتذ والله صالي ساعه ادور على قاعة الامتحان وين مدا اندلها خلف الله عل حجي جان واكف بالركن مال شارعنا ودلاني القاعة ههههههههههههه)
الاستاذ بعد الحجي والرزاله ايكله يله طب طب للامتحان طبعا" ماكو كرسي يكعد عليه لان جاي متاخر ايكله الاستاذ روح جيب كرسي لو اكعدك بالكع... يبدي ايكدي من جماعته الورقه والقلم لو ينطو لو الاستاذ ينطيه يلزم الاسئله طبعنا"هو كلشي مقاري بحياته مشايف الكتاب شي اكيد يبدي متدري منين البراشيم تطلع وما احجيلكم عله عيونه اتكول امشغلهن رادار بس يلكف كلمه يكتبه ميدري صح غلط المهم يكتبه هناك ولكفه الاستاذ وياخذ منه البراشيم ويرد ايطلع غيرهن مستنسخ الملزمه ميت مره امكضي اليوم الي قبل الامتحان يم ابو الاستنساخ ايصغر الملزمه من غير البراشيم اليكتبهن بيده طبعا الاستاذ ضاج من حياته كلما ياخذ منه البرشومه ايطلع اللخ ويضل لنهايه الامتحان اذا ميعرف شي يلزك بالكرسي اتكول لازكي بصمغ الاستاذ يتوسل بي رحمه لوالديك بس خلص .. حرك كلب الاستاذ حرك..
يجي عليه يمعود بس كلي يا سؤال متعرفه وايحله السؤال وياخذ الورقه